បុណ្យភ្ជុំបិណ្ឌ ជាពិធីបុណ្យមួយក្នុងចំណោមពិធីបុណ្យធំៗដទៃទៀតរបស់ខ្មែរយើង។ ប្រជាជនកម្ពុជា នាំគ្នាប្រារព្ធពិធីបុណ្យនេះមិនដែលអាក់ខានឡើយ គឺចាប់ពីថៃ្ង១រោច ខែភទ្របទ រហូតដល់ថៃ្ងទី១៥រោច មានរយៈពេល១៥ថៃ្ង ដែលយើងហៅថាបិណ្ឌ1,បិណ្ឌ2…និងថៃ្ងបញ្ចប់ គឺជាថៃ្ង “ភ្ជុំបិណ្ឌ”។ បុណ្យភ្ជុំបិណ្ឌ ត្រូវបានធ្វើឡើងតាមបែបព្រះពុទ្ធសាសនា។
ហេីយជារៀងរាល់ឆ្នាំ នៅពេលដល់ថ្ងៃខែដែលត្រូវប្រារព្ធពិធីបុណ្យភ្ជុំបិណ្ឌ គ្រប់បងប្អូនកូនចៅ សាច់ញាតិសន្ដានទាំងអស់ ទោះនៅទីជិត ឬទីឆ្ងាយ តែងតែធ្វើដំណើរទៅជួបជុំគ្នាជាពិសេសឪពុកម្ដាយ ដើម្បីរៀបចំម្ហូបអាហារបាយសម្ល ចង្ហាន់យកទៅប្រគេនព្រះសង្ឃដែលគង់នៅវត្តអារាម។ ជាមួយនឹងការចាកចេញទៅស្រុកកំណើត ឬកន្លែងលេងកំសាន្តនានាដូច្នេះ ធ្វើឲ្យនៅតាមបណ្ដាលទីក្រុង ជាពិសេស រាជធានីភ្នំពេញ មានសភាពស្ងប់ស្ងាត់
ជាហេតុធ្វើឲ្យក្រុមជនឆ្លៀតឱកាសមួយចំនួនតូច ឆ្លៀតឱកាសចូលគាស់ផ្ទះប្រជាពលរដ្ឋដើម្បីលួចទ្រព្យសម្បត្តិជាដើម។ យ៉ាងណាមិញ នាថ្ងៃទី១៦.ខែកញ្ញា.ឆ្នាំ២០២០ មុនថ្ងែភ្ជុំមួយថ្ងែ គណនីហ្វេសប៊ុកមួយដែលមានឈ្មោះថា: Sophy Lim បានសរសេររៀបរាប់កើនរំលឹកដល់បងប្អូនក្នុងបណ្តាញសង្គមហ្វេសប៊ុក ឲ្យមានការប្រុងប្រយ័ត្ន
ព្រោះមានហេតុ.ការណ៍ ចោរគាស់ផ្ទះទាំងថ្ងៃ ដោយហេតុការណ៍នេះ បានកើតឡើងនៅជិតផ្ទះរបស់ខ្លួនផ្ទាល់តែម្ដង។ ម្ចាស់គណនីនេះបានបញ្ជាក់ថា មិនមានបាត់ទ្រព្យអ្វីឡើយ ដោយសារម្ចាស់ផ្ទះមកពីវត្តវិញទាន់ពេលវេលា។ គួរបញ្ជាក់ផងដែរថា ក្នុងឪកាសពិធីបុណ្យភ្ជុំបិណ្ឌនេះ ស្នងការដ្ឋាននគរបាលរាជធានីភ្នំពេញ បានចាត់កម្លាំងការពារប្រចាំការ ២៤ម៉ោងលើ២៤ម៉ោង ដើម្បីការពារ និងដោះស្រាយបញ្ហាជូនប្រជាពលរដ្ឋ៕
ឮ
