(ភ្នំពេញ)៖ ម៉ូតូកង់បីមួយគ្រឿងបានទទួលរងការខូចខាតដោយបាក់ដំបូលនិងបែកកញ្ចក់ខាងមុខ ក្រោយពីមានហេតុការណ៍បាក់ដើមក្ងោក១ដើម ខណៈមេឃកំពុងភ្លៀង លាយឡំទៅដោយខ្យល់កន្ត្រាក់យ៉ាងខ្លាំងនោះ។ ដោយហេតុ ការណ៍នេះ បានកើតមានឡើងកាលពីរាត្រីថ្ងៃទី០៩ ខែកញ្ញា ឆ្នាំ២០២០នេះ វេលាម៉ោងប្រមាណជា ៧៖២០នាទី នៅចំណុចជាប់របងពេទ្យកុមារជាតិផ្លូវសហព័ន្ធរុស្ស៊ី ក្នុងសង្កាត់ទឹកល្អក់ទី១ ខណ្ឌទួលគោក។ ប៉ុន្តែក្នុងហេតុ ការណ៍នេះមិនមាន គ្រោះ ថ្ នាក់ ដល់អ្នកបើកបរនិងប្រជាពលរដ្ឋជាអ្នកដំណើរនោះទេ។ មន្ត្រីសង្កាត់ទឹកល្អក់ទី១បានឲ្យដឹងថា នៅមុនពេលកើតហេតុគឺមានភ្លៀងធ្លាក់ជាមួយនឹងខ្យល់កន្ត្រាក់យ៉ាងខ្លាំង ទើបធ្វើឱ្យដើមក្ងោក ១ដើមខាងលើបាក់រលំទៅលើម៉ូតូកង់បីមួយគ្រឿង បណ្ដាលឲ្យខូចខាតដំបូលនិងបែកកញ្ចក់ខាងមុខ។ ប៉ុន្តែសំណាងល្អម្ចាស់របស់វាមិនមាន គ្រោះ ថ្នា ក់ នោះទេ ហើយប្រជាពលរដ្ឋដែលជាអ្នកដំណើរក៏មិនបាន រ ង គ្រោះ ថ្នាក់ ដោយហេតុ ការណ៍អាក្រក់នេះដែរ។ ក្រោយពេលកើត ហេតុ អាជ្ញាធរមូលដ្ឋានបានហៅមន្ត្រីជំនាញ មកកាត់ដើមឈើនេះចេញដើម្បីកុំឲ្យមានការកកស្ទះចរាចរណ៍៕
