ហ្វេសបុក៖ បើតាមប្រភពពីផែកហ្វេសបុកមួយដែលមានឈ្មោះថាSOM.Aun.Pageបានសរសេរបង្ហោះក្នុងគណនីរបស់ខ្លួនថា៖ រទេះខ្មែរនៅក្នុងផ្នត់គំនិតនៃវប្បធម៌ខ្មែរ! តើប្រជាជនខ្មែរប៉ុន្មានភាគរយដែលនៅចាប់អារម្មណ៏ចំពោះរទេះគោខ្មែរ? ដោយសារតែភាពរីកចំរើននៃសម្ភារៈនិយមបានធ្វើអោយមនុស្សភាគច្រើន បំភ្លេចចោលនូវរទេះគោ.រឺរទេះក្របី ហើយបានប្តូរទៅប្រើគោរយន្តរឺគ្រឿងចក្រផ្សេងៗជំនួសវិញ។
យើងសង្កេតឃើញវត្តមានរទេះគោរឺរទេះក្របី លែងឃើញមាននៅតាមផ្ទះរឺនៅតាមភ្លឺស្រែចំការរបស់កសិករទៀតហើយ។ ពោលគឺយើងនៅឃើញមានវត្តមានតិចតួចនៅតាមកន្លែងរមនីយដ្ឋាន រឺនៅតាមភោជនីយដ្ឋានមួយចំនួនដែលមានមុខងារជាការដាក់តាំងលំអ មិនមែនមានមុខងារសម្រាប់ប្រើប្រាស់ដឹកជញ្ជូនជាប្រយោជន៏ដូចសម័យមុនៗ។
តើកូនខ្មែរជំនាន់ក្រោយនៅស្គាល់រទេះរឺទេ? ហើយវត្តមានរទេះគោរឺរទេះក្របីវានឹងអាចបាត់បង់រឺទេសម្រាប់ទៅថ្ងៃអនាគត?
លោកសុខ ធួក.ប្រធានមន្ទីរវប្បធម៌និងវិចិត្រសិល្បៈខេត្តកំពង់ឆ្នាំងបានអោយដឹង តាមរយៈពត៌មានកោះសន្តិភាពកាលពីថ្ងៃទី១២ខែមិថុនាឆ្នាំ២០១៨ថា៖ រទេះគោខ្មែរគឺជាសម្បត្តិបេតិកភណ្ឌជាតិដែលបានកើតមានតាំងពីមុនសម័យអង្គររាប់ពាន់ឆ្នាំមកហើយគឺជាស្នាដៃបុព្វបុរសខ្មែរយើង។
ជាក់ស្តែងដូចមានរូបចម្លាក់នៅលើប្រាសាទអង្គរវត្តមាន.រទេះគោ.រទេះសាឡីសម្រាប់ព្រះរាជា រទេះសេះចម្បាំងនិងរទេះដឹកកាំភ្លើងធំជាដើមគឺជាស្នាដៃរបស់ដូនតាខ្មែរ គប្បីកូនខ្មែរយើងនាំគ្នារក្សាទុកស្នាដៃនេះកុំអោយបាត់បង់គឺដើម្បីអោយប្រពៃណីវប្បធម៌ជាតិពិតជារុងរឿងឡើងវិញ៕ប្រភព៖SOM Aun Page
