(ភ្នំពេញ)៖ នៅថ្ងៃទី២៧ ខែឩសភា ឆ្នាំ២០២០នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានសម្រេចវិធានការដោះស្រាយជាផ្លូវការចំពោះពលរដ្ឋខ្មែរដែលកាន់លិខិតឆ្លងដែនកម្ពុជាហេីយដែលកំពុងធ្វេីដំណេីរឬមានបំណងធ្វេីដំណេីរពីក្រៅប្រទេសវិលត្រឡប់ចូលមកកម្ពុជាវិញ គឺមិនតម្រូវអោយមានវិញ្ញាបនប័ត្របញ្ជាក់សុខភាពថាគ្មានជំងឺឆ្លងកូវីដ-១៩ ទេ។ វិធានការនេះគឺនឹងជួយសម្រួលដល់ពលរដ្ឋនៅក្រៅប្រទេសឆាប់បានវិលត្រឡប់មកជួបជុំក្រុមគ្រួសារនៅក្នុងប្រទេសខ្លួនវិញ។
ប៉ុន្តែពេលវិលត្រឡប់មកដល់ប្រទេសវិញគឺតម្រូវអោយចូលពិនិត្យសុខភាព និងពិនិត្យសំណាក ហេីយដាក់ឲ្យស្នាក់នៅដាច់ដោយឡែកចំនួន១៤ថ្ងៃរង់ចាំលទ្ធផលសំណាកថាតេីមានរោគឆ្លងឬអត់រោគឆ្លង ទេីបអនុញ្ញាតឲ្យទៅលំនៅដ្ឋានវិញ។
ដោយឡែកក្រោយពីសម្តេចតេជោ ហ៊ុន សែន បានជួយសម្របសម្រួលដល់ពលរដ្ឋនៅក្រៅប្រទេសបានវិលត្រឡប់មកមាតុភូមិវិញរួចមក ប្អូនៗទាំង7 នាក់បានថ្លែងអំណរអរគុណសម្តេចតេជោហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាដែលជួយសម្របសម្រួលដល់ពួកគាត់ទាំង7 នាក់អោយត្រឡប់ទៅមាតុប្រទេសវិញហើយពួកគាត់ក៍បានអរគុណដល់ឯកឧត្តម ប្រាក់ សុខុន ដែលផ្ដល់ជំនួយជាថវិកា1000$ ដល់ពួកគាត់ផងដែរ៕
វីដេអូ៖