(ភ្នំពេញ)៖ មានការភ្ញាក់ផ្អើលជាខ្លាំងក្រោយ ទារិកាទើបនឹងកើតថ្មីៗ ត្រូវបានប្រជាពលរដ្ឋនិងកម្មករប្រមូលសំរាម ប្រទះឃើញនៅលើគំនរសំរាមជាប់បង្គោលភ្លេីងមួយកន្លែង ជិតមជ្ឈមណ្ឌលម៉ូឌែន២ ផ្លូវជាតិលេខ២ សង្កាត់ចាក់អង្រែក្រោម ដោយមិនដឹងថាម្តាយឬឪពុករូបណាចិត្តអប្រិយ បោះប.ង់ចោ.លកូ.នរបស់ខ្លួនដូចសត្វធាតុដូច្នេះ តែពិតជាសំណាងល្អដែលទារកនៅមានជីវិ.តនៅឡើយ ហើយត្រូវបានប្រជាពលរដ្ឋឮសូរសម្លេងយំក៏ដេីររកមើលទើបឃើញ ក៏រើសយកទៅរក្សាបីបាច់ថែទាំសុខភាពតែម្ដង កាលពីយប់ថ្ងៃទី២.ខែសីហានេះ។
បច្ចុប្បន្នទារិកាជីវិតថ្លៃខាងលើ ត្រូវបានបងស្រីដែលរេីសយកមកថែទាំនោះបានប្រគល់បន្តឲ្យខាងអាជ្ញាធរសង្កាត់យកទៅពិនិត្យសុខភាពនៅឯមន្ទីរពេទ្យជាមុនសិន មុននឹងប្រគល់ឱ្យអាណាព្យាបាលណា ឬអង្គកាណាយកទៅចិញ្ចឹមបីបាច់ស្របច្បាប់នៅពេលក្រោយទៀត។
ជាមួយគ្នានេះផងដែរ តារាចម្រៀង ឱក សុគន្ធកញ្ញា និងស្វាមីបានទៅមើលទារកកំសត់នេះដោយផ្ទាល់ នេះបើយោងតាមការសរសេរបង្ហោះនៅក្នុងបណ្ដាញសង្គមហ្វេសប៊ុករបស់គណនីលោក ហេង ឡុង៖ «សូមកោតសរសើរតារាចម្រៀង ឱក សុគន្ធកញ្ញា និងស្វាមី បានទៅមើលទារកដែលត្រូវម្ដាយឪពុកតិរិច្ឆានយកទៅបោះបង់ចោលនៅគំនរសំរាម🙏🙏🙏»
គណនីរបស់ ពូឈីវ ក៏បានរៀបរាប់ដែរថា «សូមអរគុណដល់បងស្រី ឱក សុគន្ធកញ្ញា និងស្វាមី ដែលមានទឹកចិត្តសប្បុរស សន្តោសប្រណី ជួយឧបត្ថម្ភដល់កូនធានី នូវថវិកា និងសម្ភារប្រើប្រាស់មួយចំនួន»៕
