(ខេត្តបន្ទាយមានជ័យ)៖ ហេតុការណ៍ខាងលើ បានកើតឡើងកាលពីវេលាម៉ោង៣និង៣០នាទីរសៀលថ្ងៃទី២៧ ខែធ្នូ ឆ្នាំ២០២០ នៅចំណុចមុខផ្ទះរបស់ឈ្មោះ ខៀវ គីណាល់ ដែលជាម្ចាស់រថយន្តស្ថិតនៅភូមិព្រហូត.សង្កាត់អូរអំបិល.ក្រុងសិរីសោភ័ណ.ខេត្តបន្ទាយមានជ័យ។ ជនរ.ងគ្រោះមានឈ្មោះ ឃុត ចាន់បូរ៉ា ភេទប្រុស អាយុ៤១ឆ្នាំ ជាជាងជួសជុលរថយន្ត រស់នៅភូមិអូរអំបិល.សង្កាត់អូរអំបិល.ក្រុងសិរីសោភ័ណ.ខេត្តបន្ទាយមានជ័យ។
តាមប្រភពព័ត៌មាននៅកន្លែងកើតហេតុបានឲ្យដឹងថា នៅវេលាម៉ោងកើតហេតុខាងលើ ឈ្មោះ ខៀវ គីណាល់ បានហៅជនរ.ងគ្រោះឲ្យទៅជួលជុលរថយន្តប្រភេទដឹកទំនិញ១គ្រឿង ដែលខូចនៅមុខផ្ទះ ពេលនោះជនរងគ្រោះបានយកប្រដាប់បញ្ចូលអាគុយ អាំងវិចទ័រចាប់សាកអាគុយជាប់នឹងតួរថយន្ត ដើម្បីឲ្យមានភ្លើងសម្រាប់បញ្ឆេះរថយន្ត។
ខណៈជនរ.ងគ្រោះកំពុងសាកអាគុយបណ្តើរនៅក្រោមរថយន្តនិងចាប់គ្រឿងបន្លាស់ចូលវិញ ដែលម្ចាស់រថយន្តក៏នៅក្បែរនោះដែរ ប៉ុន្តែគ្រោះ.ថ្នាក់ដោយសារខ្វះការប្រុងប្រយ័ត្នជាហេតុមើលមិនឃើញ បណ្ដាលឲ្យចរន្តអគ្គីិសនីឆ្លងឆ.ក់បាត់បង់ជីវិតនៅក្រោមរថយន្ត។ ប្រភពដដែលបន្តថា ភ្លាមនោះដោយមិនអស់ចិត្តម្ចាស់រថយន្តឈ្មោះខៀវគីណាល់ បានព្យាយាមដឹកជនរ.ងគ្រោះទៅកាន់មន្ទីរពេទ្យដើម្បីសង្គ្រោះ ប៉ុន្តែជនរ.ងគ្រោះបានបាត់បង់ជីវិតបាតបាត់ទៅហើយ។
ក្រោយកើតហេតុនគរបាលមូលដ្ឋានបានចុះទៅដល់ និងបានធ្វើការពិនិត្យកន្លែងកើតហេតុដោយរកឃើញថា អាំងវ៉ិចទ័រ១គ្រឿងតភ្ជាប់ចរន្តអគ្គិសនីសាកជាមួយនឹងអាគុយ២គ្រឿង ជាប់ជាមួយតួរថយន្ត ជាឧបករណ៍បង្កហេតុបណ្តាលឲ្យឆ.ក់ជនរ.ងគ្រោះបាត់បង់ជីវិត។ បន្ទាប់ពីពិនិត្យរួចរាល់ហើយ ស.ពជនរងគ្រោះបានប្រគល់ជូនគ្រួសារយកទៅធ្វើបុណ្យតាមប្រពៃណី៕
