(ភ្នំពេញ)៖ ចៅក្រមសាលាដំបូងរាជធានីភ្នំពេញលោក ហម ម៉េងសែ តាមរយៈសវនាការមុនអង្គសេចក្ដីនៅព្រឹកថ្ងៃទី១៦ ខែធ្នូ ឆ្នាំ២០២០នេះ បានសម្រេចដោះលែងបន្ទាន់យុវសិស្សឈ្មោះ(នី លីស៊ាង)អាយុ១៥ឆ្នាំ,ជាសិស្សសាលាAISអោយនៅក្រៅឃុំដែលរូបគេជាប់ចោទពីបទ«ឃា ត ក ម្ម»ពាក់ព័ន្ធនឹងការវា.យគូទំនាស់បណ្តាលអោយ.ស្លា.ប់។
ការសម្រេចដោះលែងនេះតុលាការបានភ្ជាប់ជាមួយលក្ខណ្ឌ៣ចំណុច ទី១.ត្រូវតម្កល់ប្រាក់ចំនួន២០លានរៀល, ទី២.មិនត្រូវប្តូរទីលំនៅ,និងទី៣.តម្រូវឱ្យអាណាព្យាបាលត្រូវនាំកូនមកបង្ហាញខ្លួនចំពោះតុលាការនៅពេលមានដីការកោះ។ ការសម្រេចខាងលើនេះធ្វើឡើងបន្ទាប់ពីតុលាការបានឃុំខ្លួនជនជាប់ចោទ(នី លីស៊ាង)អស់រយៈពេល១១ខែនិង២៥ថ្ងៃដោយសារការអូសបន្លាយនីតិវិធីតាមរយៈការប្ដឹងដិតចិត្តចៅក្រមស៊ើបសួរដល់ទៅ៣រូបពីសំណាក់ក្រុមគ្រួសារជន.រង.គ្រោះ។
សូមរំលឹកដោយសង្ខេបថា៖ ជនជាប់.ចោទឈ្មោះ(នី លីស៊ាង)ភេទប្រុស,អាយុ១៥ឆ្នាំជាសិស្សសាលាអន្តរទ្វីបអាមេរិកាំង(AIS)ត្រូវបានចាប់ខ្លួននៅថ្ងៃទី២០ ខែមករា ឆ្នាំ២០២០ បន្ទាប់ពីរូបគេបានវាយយុវសិស្សឈ្មោះ(សំ សន្ធិវង្ស)ភេទប្រុស,អាយុ១៤ឆ្នាំ,រៀនថ្នាក់ទី៩(ឃ)នៃសាលាអន្តរទ្វីបអាមេរិកកាំង(AIS)បណ្តាលឲ្យ.ស្លា.ប់ពេលបញ្ជូលមកដល់មន្ទីរពេទ្យមិត្តភាពខ្មែរ-សូវៀតកាលពីវេលាម៉ោង១៦:៤០នាទីល្ងាចថ្ងៃទី១៨ ខែមករា ឆ្នាំ២០២០ នៅចំណុចផ្លូវ១៨៧ជាប់របងសាលាអន្តរទ្វីបអាមេរិកាំង,សង្កាត់ទំនប់ទឹក,ខណ្ឌបឹងកេងកង,រាជធានីភ្នំពេញ៕
