(ខេត្តកណ្តាល)៖ គួរឲ្យអាណោចអាធ័មជាទីបំផុតខណៈក្មេងស្រីកំសត់អាយុ១៣ឆ្នាំម្នាក់ដេីរសន្សំបន្លែស្ពៃដែលគេឈប់ប្រមូលផលដេីម្បីយកទៅលក់គ្រាន់បានលុយមកឲ្យម្តាយផ្គត់ផ្គង់ជីវភាពប្រចាំថ្ងៃតែត្រូវលង់ទឹក.ស្លា.ប់យ៉ាងអាណោចអាធ័មគ្រាដែលក្មេងស្រី.រង.គ្រោះចុះរាវខ្ចៅក្នុងទឹកស្រះ។ ហេតុការណ៍នេះបានកើតឡេីងនៅចន្លោះម៉ោង៨:០០នាទីព្រឹកថ្ងៃទី៣០ ខែវិច្ឆិកា ឆ្នាំ២០២០ នៅចំណុចក្នុងស្រះទឹកមួយកន្លែងស្ថិតក្នុងភូមិស្ពានដែក,ឃុំព្រែកទន្លាប់,ស្រុកលើកដែក,ខេត្តកណ្តាល។
សមត្ថកិច្ចនៃអធិការនគបាលស្រុកលេីកដែកបានឲ្យដឹងថា៖ ជន.រង.គ្រោះមានឈ្មោះ រ៉េត មករា(ហៅខ្វិន)ភេទស្រី,អាយុ១៣ឆ្នាំ,ជនជាតិខ្មែរ,មុខរបរដើរសន្សំស្ពៃមានទីលំនៅភូមិឃុំកើតហេតុខាងលើ។ ម្តាយបង្កើតក្មេងស្រី.រង.គ្រោះបានបញ្ជាក់ថា៖ កូនស្រីរបស់គាត់ពិតជាលង់ទឹក.ស្លា.ប់ប្រាកដមែន ដោយនៅមុនពេលកើតហេតុជន.រង.គ្រោះបានទៅសន្សំស្ពៃនិងរាវខ្ចៅជាមួយម្តាយនៅចំណុចក្បែរស្រះទឹកក្រោយភូមិស្ពានដែក។ នៅពេលម្តាយកំពុងឱនធ្វើស្មៅជន.រង.គ្រោះក៏បានចុះទៅរាវខ្ចៅក្នុងស្រះក្បែរនោះដោយពុំមានអ្នកណាដឹងឡើយ។
លុះដល់ម៉ោងប្រហែល១០ជាងម្តាយបាត់កូនស្រីក៏នាំគ្នាដើររកទើបបានដំណឹងពីក្មេងម្នាក់ឈ្មោះ ស្រីនុច ដែលរាវខ្ចៅជាមួយគ្នាប្រាប់ថា៖ បងស្រី មករា បានលិចទៅក្នុងទឹកបាត់ហើយគ្រាន់តែបានដំណឹងភ្លាមម្តាយនិងអ្នកជិតខាងក៏នាំគ្នាមុជទឹកស្រះរាវរកក៏ប្រទះឃេីញជន.រង.គ្រោះបាន.ស្លា.ប់ក្នុងទឹកស្រះនោះបាត់ទៅហើយ។ ក្រោយទទួលបានព័ត៌មាននេះភ្លាមផ្នែកជំនាញនិងប៉ុស្តិ៍រដ្ឋបាលបានចុះដល់កន្លែងកើតហេតុដើម្បីធ្វើការពិនិត្យសាក.សព។ ប៉ុន្តែត្រូវម្តាយជន.រង.គ្រោះសំណូមពរមិនអោយធ្វើការពិនិត្យលើសាក.សពឡើយនឹងបានសុំយកសពកូនមកផ្ទះដើម្បីធ្វើបុណ្យតាមប្រពៃណី៕
