(ខេត្តកោះកុង)៖ នៅព្រឹកថ្ងៃទី២១ ខែវិច្ឆិកា ឆ្នាំ២០២០ នៅវេលាម៉ោង៨និង២០នាទី នៅចំណុចលើផ្លូវជាតិ៤៨ចន្លោះគីឡូម៉ែត្រលេខ៩៧-៩៨ស្ថិតក្នុងភូមិដីទំនាប,ឃុំត្រពាំងរូង,ស្រុកកោះកុង,ខេត្តកោះកុង មានករណីគ្រោះថ្នា.ក់ចរាចរណ៍រវាងរថយន្តសណ្តោងរឺម៉ក់បុ.កជាមួយរថយន្តសាំងយ៉ុង(ទិសដៅបញ្ច្រាស់គ្នា)ដោយសារតែរថយន្តសណ្តោងចុះចំណោតចូលទៅបុកពីមុខរថយន្តសាំងយ៉ុង។ រថយន្តបង្ករម៉ាកហុីយ៉ាន់ដាយប្រភេទសណ្តោងរឺម៉កពណ៌ស ក្បាលឡានពាក់ស្លាកលេខ(ភ្នំពេញ៣C-៥៥៤៣)និងរឺម៉កសណ្តោងពាក់ស្លាកលេខ(ភ្នំពេញ៤A.២៨៣៦)
អ្នកបើកមិនស្គាល់អត្តសញ្ញាណ(រត់គេចខ្លួនបាត់)បើកបរក្នុងទិសដៅពីភ្នំពេញទៅកោះកុងបានបុកចំពីមុខរថយន្តម៉ាកសាំងយ៉ុង ពណ៌ទឹកប្រាក់ ពាក់ស្លាកលេខ(កោះកុង២B.៨៥៨៧)ទិសដៅពីកោះកុងទៅកំពតបើកបរដោយឈ្មោះ(តឹប លេស)ភេទប្រុស,អាយុ៥១ឆ្នាំ មានទីលំនៅភូមិ4,សង្កាត់ដងទង,ក្រុងខេមរភូមិន្ទ(រងរបួសស្រាល)អ្នករួមដំណើរម្នាក់ឈ្មោះ(កែវ សុខា)ភេទស្រីអាយុ៦២ឆ្នាំ ទីលំនៅភូមិអណ្តូងទឹក,ឃុំអណ្តូងទឹក,ស្រុកបុទុមសាគរ(របួសធ្ងន់)។ ជន.រង.គ្រោះត្រូវបញ្ជូនតាមរថយន្តសង្គ្រោះទៅមណ្ឌលសុខភាពត្រពាំងរូង៕
