(ភ្នំពេញ)៖ កញ្ខុះសម្រាប់លម្ហែកាយមាត់ស្រះ១កន្លែងក្នុងភូមិគ្រឹះបានបាក់ស្រុតចូលទៅក្នុងទឹកបណ្តាលឱ្យសង្កត់ស្ត្រីអ្នកបម្រើម្នាក់.ស្លា.ប់យ៉ាងរន្ធត់ហើយរហូតមកដល់ពេលនេះនៅពុំទាន់យកសពបានទេ!ដោយបូមទឹកផងចុះរូសរើកញ្ចុះក្នុងទឹកផង។ ហេតុការណ៍បានកើតឡើងក្នុងភូមិគ្រឹះដ៏ស្កឹមស្កៃមួយក្នុងភូមិសំរោងទាវ,សង្កាត់ក្រាំងធ្នង់,ខណ្ឌសែនសុខ,រាជធានីភ្នំពេញ កាលពីថ្ងៃទី១៤ ខែវិច្ឆិកា ឆ្នាំ២០២០ម្សិលមិញ។ មន្ត្រីសមត្ថកិច្ចបានឱ្យដឹងថា៖ ករណីនេះបានកើតឡើងតាំងពីម៉ោង១០៖៣០នាទីព្រឹកមកម្ល៉េះ ប៉ុន្តែម្ចាស់ផ្ទះលាក់លៀមមិនបានរាយការណ៍មកទេគឺសុខចិត្តសង្ងំកកាយរកស.ពតែអស់ជម្រើសរហូតដល់វេលាម៉ោង៦ព្រលប់ថ្ងៃដដែលទើបបែកធ្លាយផ្អើលដល់អ្នកស្រុក។
ជាមួយគ្នានោះក្រុមគ្រួសារជន.រង.គ្រោះបានប្រាប់ឱ្យដឹងដែរថាជន.រង.គ្រោះមានឈ្មោះ(ហ៊ុន សំបូរ)ភេទស្រី,អាយុ៦១ឆ្នាំ,ជាស្ត្រីមេម៉ាយស្នាក់នៅក្នុងភូមិសំរោងទាវ,សង្កាត់ក្រាំងធ្នង់,ខណ្ឌសែនសុខ ហើយមកបម្រើការជាកម្មករផ្នែកអនាម័យប្រចាំនៅផ្ទះកើតហេតុ។ ប្រជាពលរដ្ឋបានឱ្យដឹងថា៖កាលពីវេលាម៉ោង១០៖៣០នាទីព្រឹកថ្ងៃទី១៤ ខែវិច្ឆិកា ឆ្នាំ២០២០ ពួកគាត់ដែលរស់នៅក្បែកន្លែងកើតហេតុបានឮសូរសំឡេងបាក់ស្រុតរលំខ្ចុះនោះដែរ។
តែមិនចាប់អារម្មណ៍នឹកគិតថា៖ គេវាយផ្ទះចាស់ចោលដើម្បីសង់ថ្មីតែមកដល់ព្រលប់ថ្ងៃដដែលទើបភ្ញាក់ផ្អើលថា៖ មានស្ត្រីម្នាក់បាន.ស្លា.ប់ក្នុងហេតុការណ៍នោះ។ ទោះជាយ៉ាងណាក្តីទីតាំងកើតហេតុត្រូវបានម្ចាស់បិទទ្វារ របងជាប់ក្រៅពីសមត្ថកិច្ចមិនអនុញាតឱ្យចូលឡើយហើយការងារបូមទឹករើកកាយរកស.ពនៅតែបន្តអស់ច្រើនម៉ោងទៅហើយនៅតែរកស.ពមិនទានឃើញនៅឡើយទេមកទល់ព្រឹកទី១៥ ខែវិច្ឆិកា ឆ្នាំ២០២០នេះ៕
