(ភ្នំពេញ)៖ ករណីនេះ បង្កការភ្ញាក់ផ្អើលកាលពីថ្ងៃទី០៥ ខែវិច្ឆិកា ឆ្នាំ២០២០ នៅបន្ទប់ក្នុងការដ្ឋានសំណង់ផ្ទះល្វែងមួយកន្លែង ស្ថិតនៅផ្លូវបេតុង ភូមិកាកាប សង្កាត់កាកាប២ ខណ្ឌពោធិសែនជ័យ។ មុនកើតហេតុ មេជាងសំណង់ បានចូលដេកសម្រាកធម្មតាក្នុងបន្ទប់ ខាងក្នុងផ្ទះល្វែងកំពុងសាងសង់ គ្មានអ្នកណាចាប់អារម្មណ៍ឡើយ
លុះរហូតដល់ព្រឹកថ្ងៃទី០៥ ខែវិច្ឆិកា កម្មករផ្សេងទៀត ក្រោកនាំគ្នាធ្វើការអស់ហើយ នៅឡើយមេជាងមិនទាន់ឃើញក្រោកសោះ ទ្វារបន្ទប់នៅបិទ ដល់វេលាម៉ោង៨ព្រឹក កម្មករចុចទូរស័ព្ទចូលតែមិនលើក ទើបមិនអស់ចិត្ត រុញទ្វារដាស់ហៅ ទើបដឹងថា ជនរងគ្រោះដេក ស្លា ប់ ក្នុងមុងបាត់ ហើយនាំគ្នាឆោឡោ រាយការណ៍ទៅអាជ្ញាធរមានសមត្ថកិច្ច ចុះពិនិត្យមើលជាក់ស្តែង។
តាមប្រភព បានឲ្យដឹថថា ម្ចាស់ផ្ទះម្ចាស់សំណង់ ឈ្មោះ សុខ សំណាង នៅជំពាក់លុយជន រ ង គ្រោះ ជាង២ពាន់ដុល្លារ ហើយឲ្យជនរងគ្រោះវិលទៅផ្ទះតែគាត់មិនទៅ ស៊ូដេករង់ចាំយកលុយឈ្នួល រហូតដល់ម្ចាស់ផ្ទះព្យាយាមគេចវេស ម្តងប្រាប់ថាទៅប្រទេសចិន ម្តងប្រាប់ថាជាប់រវល់នៅឯក្រុងតាខ្មៅ ខេត្តកណ្តាល នៅសល់តែកម្មករ ចេះតែនាំគ្នាធ្វើការ មិនទាន់បានលុយឈ្នួលផង មេជាងខ្យល់គ ស្លា ប់ បាត់។
សមត្ថកិច្ចចុះទៅសាកសួរ តែរកម្ចាស់ផ្ទះ ម្ចាស់សំណង់មិនឃើញ សាច់ញាតិ ស ព ក៏គ្មាន រហូតមកដល់វេលាម៉ោង១១ព្រឹក ថ្ងៃដដែលនេះ សមត្ថកិច្ចនៅបន្តស្រាវជ្រាវ ស ព ក៏មិនទាន់យកទៅណាដែរ៕
