(ក្រុងប៉ោយប៉ែត)៖ ហេតុការនេះបានកើតឡើងកាលពីយប់ម៉ោង៧ថ្ងៃទី៣០ ខែតុលា ឆ្នាំ២០២០ នៅចំណុចកែងមណ្ឌលទី៦ឈមនិងមណ្ឌល៥ ភូមិប្រជាធម្មលិច សង្កាត់ផ្សារកណ្តាល,ក្រុងប៉ោយប៉ែត,ខេត្តបន្ទាយមានជ័យ។ បើតាមការឲ្យដឹងពីសាច់ញាតិជន.រង.គ្រោះឲ្យដឹងថា៖ រថយន្តដែលឆេះនោះម៉ាកហាយលែនឌ័រ ពណ៍ស បានមកពីដឹកទឹកសុទ្ធហើយបានបញ្ចូលហ្គាសបំពេញបន្ថែមសម្រាប់យកទឹកសុទ្ធ ទៅចែកចាយខណៈគ្រានោះកំពុងតែបញ្ចូលហ្គាសស្រាប់តែឆាបឆេះចេញពីទុយោបញ្ចូលហ្គាសបានឆាបឆេះតែម្តងបណ្តាលឲ្យរថយន្តខូចខាតទាំងស្រុង ហើយកន្លែងបញ្ចូលហ្គាសខាងលើដោយគ្មានបំពង់ពន្លត់អគ្គិភ័យឡើយ។
ក្នុងហេតុការណ៍នោះកូនក្មេងតូចៗអាយុក្រោម១០ឆ្នាំ៣នាក់បានរង.របួ.ស.ធ្ងន់ ភ្លាមៗនោះកុមាររងគ្រោះត្រូវបានដឹកទៅព្យាបាលនៅមន្ទីរពេទ្យខេត្តសៀមរាប ក្រៅពីនោះគ្មានការឆេះឆ្លងរាលដាលទៅផ្ទះនាក់ដ៍ទៃឡើយ ក្នុងហេតុការនោះដោយមានកម្លាំងសមត្ថកិច្ចចំរុះនិងអាជ្ញាធរក្នុងមូលដ្ឋានបានចុះដល់កន្លែងកើតហេតុនិងពលរដ្ឋនៅជិតខាងបានជួយពន្លត់ទាន់ពេលវេលា៕
