(កំពង់ស្ពឺ)៖ នាព្រឹកថៃ្ងសុក្រទី៣០ ខែតុលា ឆ្នាំ២០២០ លោកវរសេនីយ៍ឯក សាយ ប៊ុនថន អធិការនគរបាលស្រុកភ្នំស្រួច ដឹកនាំកងកម្លាំងនគរបាល ចំណុះអធិការដ្ឋាននគរបាលស្រុកភ្នំស្រួច ចូលរួមក្នុងពិធីបុណ្យសពលោកព្រិន្ទបាលឯក បុិច រក្សាន្ដ មន្រ្តីនគរបាលប៉ុស្តិ៍រដ្ឋបាលត្រែងត្រយឹង នៅគេហដ្ឋានសពផ្ទាល់ ស្ថិតក្នុងភូមិព្រំរលក.ឃុំតាំងស្យា.ស្រុកភ្នំស្រួច.ខេត្តកំពង់ស្ពឺ។
លោកព្រិន្ទបាលឯក បុិច រក្សាន្ដ គឺបានទទួលមរណភាពកាលពីថៃ្ងទី២៩ ខែតុលា ឆ្នាំ២០២០ ដោយសាររ ជំ ងឺ គាំ ង បេះដូង នៅពេលលោកកំពុងលេងកីឡា (បាល់ទះ) សពត្រូវបានតំកល់ធ្វើបុណ្យតាមប្រពៃណី នៅគេហដ្ឋានសព ស្ថិតក្នុងភូមិព្រំរលក.ឃុំតាំងស្យា.ស្រុកភ្នំស្រួច.ខេត្តកំពង់ស្ពឺ។
ក្នុងនាមកងកម្លាំងនគរបាលទាំងមូល នៃអធិការដ្ឋាននគរបាលស្រុកភ្នំស្រួច មានការសោកស្ដាយចំពោះការបាត់បង់រូបលោកព្រិន្ទបាល បុិច រក្សាន្ដ ដែលជាមន្រ្ដីនគរបាលគំរូម្នាក់និងជាទំពាំងស្នងឬស្សី ជាមន្រ្ដីបន្ដវេនពោរពេញដោយសមត្ថភាព ក្នុងការរួមចំណែកអភិវឌ្ឍសង្គមជាតិ
ក្នុងនោះលោកអធិការបាននាំយកនូវថវិកា ៨៥០,០០០ រៀលរួមជាមួយសម្ភារៈរួមមាន អង្ករ៥០គីឡូក្រាម ទឹកបរិសុទ្ធ៥កេស និងមី២កេស ចុងក្រោយសូមអោយវិញ្ញាណក័ន្ធលោកព្រិន្ទបាល បុិច រក្សាន្ដ បានទៅកាន់ទីឋានកន្លែងស្ងប់សុខ កុំបីឃ្លៀងឃ្លាតឡើយ៕
