(កោះកុង)៖ កាលពីថ្ងៃទី២៥ ខែតុលា ឆ្នាំ២០២០ ប៉ុស្តិ៍នគរបាលសង្កាត់ស្ទឹងវែង នៃអធិការដ្ឋាននគរបាលក្រុងខេមរភូមិន្ទ បានទទួលពាក្យបណ្ដឹងពីប្រជាពលរដ្ឋឈ្មោះ ង៉េង ប៊ុនថៃ ភេទប្រុសអាយុ២២ឆ្នាំជនជាតិខ្មែរ រស់នៅភូមិស្ទឹងវែង.សង្កាត់ស្ទឹងវែង មុខរបរកម្មកររោងចក្រ ថាមានក្មេងស្ទាវមួយក្រុម បានយកកាំបិតដេញ កា ប់ ខ្លួន និងមិត្តភក្កិមិនបាន ក៏ឈានដល់មកកាប់ម៉ូតូរបស់ខ្លួនដែលទុកចោល។
ក្រោយទទួលបណ្ដឹង កម្លាំងអធិការដ្ឋាននគរបាលក្រុងខេមរភូមិន្ទ សហការជាមួយកម្លាំងប៉ុស្តិ៍រដ្ឋបាល ចុះស្រាវជ្រាវរហូតឈានដល់ឃាត់ខ្លួនបានមុខសញ្ញា ជ ន សង្ស័យចំនួន២នាក់ រួមមាន៖
១.ឈ្មោះ សន សុថា (ហៅកុង) ភេទប្រុស អាយុ១៥ឆ្នាំ ជនជាតិខ្មែរ រស់នៅភូមិស្មាច់មានជ័យ.សង្កាត់ស្មាច់មានជ័យ.មុខរបរកម្មករចែកចាយស្រាបៀរ ២.ឈ្មោះ ជា វិចិត្រ (ហៅគីម) ភេទប្រុស អាយុ១៩ឆ្នាំ ជនជាតិខ្មែរ រស់នៅភូមិស្មាច់មានជ័យ.សង្កាត់ស្មាច់មានជ័យ.មុខរបរកម្មករចែកចាយស្រាបៀរ។
ដកហូតវត្ថុតាង៖ កាំបិតខ្វែវ ចំនួន០៣ដើម។ បច្ចុប្បន្ន ជ ន សង្ស័យទាំង២នាក់ រួមនឹងវត្ថុតាង បានកសាងសំណុំរឿងចាត់ការតាមនីតិវិធីច្បាប់ ចំណែកបក្សពួក ជ ន សង្ស័យ កម្លាំងជំនាញយេីងកំពុងស្រាវជ្រាវបន្ត៕ ប្រភព«ស្នងការដ្ឋាននគរបាលខេត្តកោះកុង»
