លោកឧកញ៉ា ម៉ុង ឫទ្ធី បានទិញផលដំណាំចំរុះ ដែលកសិករដឹកលក់ ហើយចែកជូន​សមាជិក​ព្រឹទ្ធសភា​​ហូប ថែមទាំងបង្ហោះសារដ៏មានន័យមួយថា…(មានវីដេអូ)

(ភ្នំពេញ)៖ ឯកឧត្តមបណ្ឌិតឧកញ៉ា ម៉ុង ឫទ្ធី ដែលជាអគ្គនាយកក្រុមហ៊ុន ម៉ុង ឫទ្ធី គ្រុប និងជាឧកញ៉ាកសិកម្មដ៏ល្បីឈ្មោះ ដែលមហាជនទូទាំងប្រទេសស្គាល់ច្បាស់ថា គាត់ជាអ្នកជំនួញកសិកម្មធំជាងគេបំផុតនៅកម្ពុជា។ ក្រៅពីធ្វើជំនួញធំៗជាច្រើននោះ គេក៏ឧស្សាហ៍ឃើញលោកឧកញ៉ាជួយដល់អ្នកក្រីក្រជាច្រើន ដែលមានជីវភាពខ្វះខាតផងដែរ។

ដោយឡែក នៅវេលាម៉ោង​៧ព្រឹក​ថ្ងៃ​ចន្ទ​ ទី​២៦​ ខែតុលា ​ឆ្នាំ​២០២០នេះ នៅក្នុងបណ្ដាញសង្គមមានការចាប់អារម្មណ៍ជាខ្លាំង ក្រោយពីបានឃើញសកម្មភាពលោកឧកញ៉ា ម៉ុង ឫទ្ធី ​ក្នុង​ដំណើរ​មកចូលរួម​ប្រជុំ​ពេញអង្គ​ព្រឹទ្ធសភា ដោយលោកឧកញ៉ា បានទិញផលដំណាំមេីមដំឡូងចំរុះមានទាំងចេក… ដែលដឹកដើរលក់ដោយកសិករម្នាក់ ហើយយកចែកជូន​សមាជិក​សមាជិការ​ព្រឹទ្ធសភា ​ ហូបទុកជា​អាហារ​សម្រន់​។

ជាមួយគ្នានេះ ឯកឧត្តមបណ្ឌិត ឧកញ៉ា ម៉ុង ឫទ្ធី បានសរសេររៀបរាប់ថា «របស់​ថោកតែ​បេីយេីង​ចេះនាំគ្នា​អោយ​តម្លៃ​វាទៅ​និងមាន​តម្លៃ​ដូចគេដូចឯង​អីចឹង​ដែ​ មិនខុសអីពី​ដុំថ្ម​ទេ​នៅពេលដែល​យេីងលេីកយកមក​ដាក់នៅលេី​ រោងឬ​អសនណាមួយ​ហេីយនាំគ្នា​ចេះតែ​មកបន់ស្រន់​ទៅ​ មានពេលខ្លះ​វាអាច​ក្លាយជា​អ្នក​តា​ជួយយេីង​អោយ​បាត់ចុកពោះ​ម្តងម្កាល​អីចឹងដែរ​»។ (សូមទស្សនាវីដេអូខាងក្រោម)៖